Монастырский календарь престольных праздников и памятных дней
Октябрь
преставление прп. и блгв. кн. Олега Брянского
20.09/3.10
Тропарь дня
Тропарь Олегу Брянскому, блгв. кн., прп.,

От юности возлюбив Христа всем сердцем, преподобне, /славу земную, яко преходящу, оставил еси /и царство земное в ничтоже вменивше, /лику инок радостно причелся еси /и труды многими град Брянск, аки солнце пресветло, озарил еси: /тем, быв Троицы украшение, /моли, княже Олеже, Христа Бога, спастися душам нашим.
Блж. Параскевы Дивеевской
22.09/5.10
Тропарь дня
Тропарь Дивеевским блаженным Пелагии, Параскеве и Марии,
глас 1

Глас апостола Павла услышавша глаголющ: мы юроди Христа ради, рабы Твои, Христе Боже, Пелагия, Параскева и Мария, юроди быша на земли Тебе ради; темже, память их почитающе, Тебе молим: Господи, спаси души наша.

Зачатие честного славного Пророка, Предтечи и Крестителя Господня Иоанна
23.09/6.10
Тропарь дня
Тропарь зачатию Иоанна Предтечи,
глас 4


Первее нераждающая неплоды, возвеселися,/ се бо зачала еси Солнца светильника яве,/ просвещати имуща всю вселенную, слепотою недугующую./ Ликуй, Захарие, вопия со дерзновением:// пророк Вышняго есть хотяй родитися.

Св. равноап. первомц. Феклы
24.09/7.10
Тропарь дня
Тропарь первомученицы равноапостольной Феклы
глас 4

Словесем Павловым научившися, богоневестная Фекло,/ и верою утвердившися от Петра, богозванная,/ первомученица явилася еси и первострадальница в женах,/ возшла еси на пламень, яко на место благоцветущее,/ звери и юнцы устрашишася тебе, вооружися бо Крестом./ Тем моли, всехвальная, Христа Бога,// спастися душам нашим.

преставление прп. Сергия Радонежского
25.09/8.10
Тропарь дня
Тропарь преподобного Сергия
глас 4

Иже добродетелей подвижник,/ яко истинный воин Христа Бога,/ на страсти вельми подвизался еси в жизни временней,/ в пениих, бдениих же и пощениих образ быв твоим учеником,/ темже и вселися в тя Пресвятый Дух,/ Егоже действием светло украшен еси;/ но, яко имея дерзновение ко Святей Троице,/ поминай стадо, еже собрал еси, мудрe,/ и не забуди, якоже обещался еси,/ посещая чад твоих,// Сергие, преподобне отче наш.

– Св. ап. и ев. Иоанна Богослова
– Свт. Тихона, патриарха Московского и всея Руси (прославление 1989)
26.09/9.10
Тропарь дня
Тропарь апостола Иоанна Богослова
глас 2

Апостоле, Христу Богу возлюбленне,/ ускори избавити люди безответны,/ приемлет тя припадающа/ Иже падша на перси приемый./ Егоже моли, Богослове,/ и належащий облак языков разгнати,// прося нам мира и велия милости.

Тропарь святителя Тихона, патриарха Московского и всея Руси (прославление)
глас 1

Апостольских преданий ревнителя / и Христовы Церкве пастыря добраго, / душу свою за овцы положившаго, / жребием Божиим избранного / Всероссийскаго Патриарха Тихона восхвалим / и к нему с верою и упованием возопиим: / предстательством святительским ко Господу / Церковь Русскую в тишине соблюди, / расточенная чада ея во едино стадо собери, / отступившия от правыя веры к покаянию обрати, / страну нашу от междоусобныя брани сохрани / и мир Божий людем испроси.

– Собор Киево-Печерских преподобных, в Ближних пещерах почивающих
– Прпп. схимон. Кирилла и схимон. Марии, родителей прп. Сергия Радонежского
28.09/11.10
Тропарь дня
Тропарь Собора преподобных отцев Киево-Печерских
глас 4

Столп огнезрачный и светоносное солнце, возсиявшее на горе Печерской,/ великаго Антония со всем собором Богоносных отец приводим Тебе, Христе, в молитву,/ ихже ради молим, подаждь обители нашей благодать и душам нашим велию милость.

Тропарь Кириллу и Марии, схимм. Радонежским

Блаженств Христовых причастницы, /честнаго супружества и попечения о чадех добрый образе, /праведнии Кирилле и Марие, /плод благочестия, Сергия преподобнаго, нам явившии, /с ним же усердно молите Господа /низпослати нам дух любве и смиренномудрия, /да в мире и единомыслии /прославим Троицу Единосущную.

Новосщмч. Иоанна, архиеп. Рижского
29.09/12.10
Тропарь дня
Тропарь священномученику Иоанну (Поммеру), архиепископу Рижскому,
глас 4


И нpавом пpичастник,/ и пpестолом наместник апостолом быв,/ деяние обpел еси, Богодухновенне,/ в видения восход,/ сего pади слово истины испpавляя,/ и веpы pади постpадал еси даже до кpове,/ священномучениче Иоанне,/ моли Хpиста Бога// спастися душам нашим.

Покров Пресвятой Богородицы
1.10/14.10
Тропарь дня
Тропарь Покрову Пресвятой Богородицы

Днесь благовернии людие /светло празднуем, /осеняеми Твоим, Богомати, пришествием, /и к Твоему взирающе пречистому образу, умильно глаголем: /покрый нас честным Твоим Покровом/и избави нас от всякаго зла, /молящи Сына Твоего, Христа Бога нашего, /спасти души наша.
– преставление св. прав. воина Феодора Ушакова
- преставление св. блгв. кнг. Анны Кашинской
2.10/15.10
Тропарь дня
Тропарь праведному воину Феодору Ушакову,
глас 1


Державе Российстей архистратиг непобедимый явился еси,/ агарянскую злобу нивочтоже вменив и разорив:/ ни славы мирския, ниже богатства взыскуя,/ но Богу и ближнему послужил еси,/ моли, святе Феодоре,/ воинству нашему даровати на враги одоление,/ отечеству во благочестии непоколебиму пребыти,// и сыновом Российским спастися.

Тропарь великой княгини Анны Кашинской
глас 3

Днесь восхваляем тя, преподобная мати,/ великая княгине инокине Анно:/ яко бо лоза плодовита посреде терния,/ процвела еси во граде Кашине твоими добродетельми,/ всех удивила еси чудным твоим житием,/ темже Христу Богу угодила еси,/ и ныне, радующися и веселящися,/ пребывавши с лики преподобных жен,/ наслаждающися райския красоты и веселия./ Молим убо тя:/ моли о нас Человеколюбца, Христа Бога нашего,/ даровати нам мир и велию милость.

- Мч. Виринеи (Вероники) Едесской
4.10/17.10
Св. ап. Фомы
6.10/19.10
Тропарь дня
Тропарь апостола Фомы
глас 2

Ученик Христов быв,/ Божественнаго собора апостольскаго сопричастник,/ неверствием бо Христово Воскресение известив/ и Того пречистую страсть осязанием уверив,/ Фомо всехвальне,// и ныне нам проси мира и велия милости.

Прп. Сергия Послушливого, Печерского
Икона с частицами мощей Киево-Печерских святых
7.10/20.10
память прп. Пелагии Антиохийской
8.10/21.10
Тропарь дня
Тропарь преподобной Пелагии
глас 8

В тебе мати известно спасеся, еже по образу:/ приймши бо крест, последовала еси Христу,/ и, деющи, учила еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобная Пелагие, дух твой.

память св. апостола Иакова Алфеева
9.10/22.10
Тропарь дня
Тропарь апостола Иакова Алфеева
глас 3

Апостоле святый Иакове,/ моли Милостиваго Бога,/ да прегрешений оставление// подаст душам нашим.

преставление прп. Амвросия Оптинского
10.10/23.10
Тропарь дня
Тропарь преподобного Амвросия
глас 5

Яко к целебному источнику,/ притекаем к тебе, Амвросие, отче наш,/ ты бо на путь спасения нас верно наставляеши,/ молитвами от бед и напастей охраняеши,/ в телесных и душевных скорбех утешаеши,/ паче же смирению, терпению и любви научаеши;/ моли человеколюбца Христа/ и Заступницу усердную// спастися душам нашим.

Прп. Феофана, постника Печерского (XII)
Икона с частицами мощей Киево-Печерских святых
11.10/24.10
– память свв. мучеников Прова, Тараха и Андроника
– преставление свт. Николая (Могилевского), митрополита Алма-Атинского
12.10/25.10
Тропарь дня
Тропарь мученикам Прову, Тараху и Андронику Аназарвским,
глас 5


Святых мученик исправлением/ Небесныя силы преудивишася,/ яко в теле смертнем,/ безтелеснаго врага силою Креста,/ подвизавшеся добре, победиша невидимо./ И молятся Господу// помиловатися душам нашим.

Тропарь священноисповеднику Николаю (Могилевскому), митрополиту Алма-Атинскому,
глас 7


Яко светозарное светило,/ лучами Божественных дарований сияющее,/ яви тя Солнце Правды Христос Бог наш,/ тьму безбожия и злонравия далече отгоняюща,/ и зарями богопознания осияюща вопиющих верно:/ Радуйся, святе Николае,// Христов исповедниче и Казахстанский чудотворче.

– Иверской иконы Божией Матери
– Прп. Вениамина Печерского
– обретение мощей священномученика Фаддея (Успенского), архиепископа Тверского
13.10/26.10
Тропарь дня
Тропарь Божией Матери пред иконой ее Иверской
глас 1

Дерзость ненавидящих образ Господень/ и держава нечестивых безбожно в Никею прииде,/ и посланнии безчеловечно вдовицу,/ благочестно чтущую икону Богоматере, истязуют,/ но тая нощию с сыном икону в море пусти, вопиющи:/ слава Тебе, Чистая,/ яко непроходимое море плещи своя подаде,// слава правошествию Твоему, едина Нетленная.

Тропарь преподобного Вениамина Печерского, в Дальних пещерах
глас 2

Добр купец бысть, Богомудре Вениамине,/ богатство бо свое тленно раздав,/ купил еси оным нетленное в Царствии небеснем,/ в немже ныне тамошних благ наслаждаяся богатне,/ проси нам мира и велия милости.

Тропарь священномученику Фаддею, архиепископу Тверскому и Кашинскому
Глас 1


Хвала Богу и жертва живая/ житие твое, священномучениче Фаддее, явися./ Постом, бдением и молитвою Небесная дарования приим,/ многим добрый помощник и утешитель бысть./ Пастырскою мудростию и тихостию нрава украшен,/ лукавства врагов Христовых препобедил еси./ Слава Давшему тебе во страданиих крепость,/ слава, яко мученика, Венчавшему тя,// слава Действующему тобою всем исцеления.

Прп. Николы Святоши, кн. Черниговского, Печерского чудотворца
Икона с частицами мощей Киево-Печерских святых
14.10/27.10
Тропарь дня
Тропарь преподобного Николы Святоши, князя Черниговского, Печерского чудотворца, в Ближних пещерах
глас 2

Отечество и славу княжения твоего оставил,/ Князю смирения, Христови, усердно последовал еси,/ преподобне отче наш Николо;/ тем приял еси от Него вечное царство и славу на Небеси,/ идеже ликуя, поминай нас чтущих память твою верно.

– преставление свт. Афанасия (Сахарова), епископа Ковровского
- Сщмч. Лукиана Печерского
15.10/28.10
Тропарь дня
Тропарь святителю Афанасию (Сахарову), епископу Ковровскому,
глас 2


Святителю отче Афанасие,/ никтоже тя разлучи от любве Божия,/ но яко луча Солнца правды/ во мраце гонений богоборческих/ над землею Русскою возсиял еси,/ поношения и раны, заточения и дальняя изгнания/ и горькия работы/ Христа ради тридесять лет претерпевая,/ святых сродников наших воспевая и в помощь призывая,/ иже пред кончиною твоею купно с Господом явишася тебе,/ с нимиже и ныне водворяяся взываеши:/ Русь Святая,/ храни веру православную,// в нейже тебе утверждение.

Тропарь священномученику Лукиану Печерскому, пресвитеру
Глас 4


И нравом причастник, и престолом наместник апостолом быв,/ деяние обрел еси, Богодухновенне, в видения восход./ Сего ради, Слово Истины исправляя,/ и веры ради пострадал еси даже до крове,/ священномучениче Лукиане,// моли Христа Бога спастися душам нашим.

Прп. Лонгина, вратаря Печерского
Икона с частицами мощей Киево-Печерских святых
16.10/29.10
Тропарь дня
Тропарь преподобного Лонгина, вратаря Печерского, в Дальних пещерах
глас 1

Преподобне и Богоблаженне отче Лонгине,/ врат монастырских опасный хранителю,/ опаснейший же и неусыпный своих чувствий/ от всякаго мирскаго суетствия затворителю,/ моли нарекшаго Себе дверь Господа Славы,/ да отверзет нам дверь милости Своея.

Прмч. Андрея Критского
17.10/30.10
Тропарь дня
Тропарь преподобномученика Андрея Критского
глас 4

Постнически предподвизався на горе,/ умная врагов ополчения всеоружием Креста погубил еси, всеблаженне,/ паки же ко страдальчеству/ мужески облеклся еси,/ убив Копронима мечем веры,/ и обоих ради венчался еси от Бога,// преподобномучениче Андрее, приснопамятне.

память св. евангелиста Луки
18.10/31.10
Тропарь дня
Тропарь апостола и евангелиста Луки
глас 5

Апостольских деяний сказателя/ и Евангелия Христова светла списателя,/ Луку препетаго,/ славна суща Христове Церкви,/ песньми священными святаго апостола похвалим,/ яко врача суща,/ человеческия немощи,/ естества недуги и язи душ исцеляюща// и молящася непрестанно за души наша.