Монастырский календарь престольных праздников и памятных дней
Июль
- Пюхтицкой иконы Божией Матери «У источника»
- Прп. Леонтия отрока, канонарха Печерского
новый стиль
1.07
старый стиль
18.06
Тропарь дня
Тропарь Пресвятой Богородице пред иконой Ея «У источника» Пюхтицкой

Утешение всех скорбящих, Скорая Помощнице в туге сердечней к Тебе прибегающим, услыши нас, Владычице, и даждь нам на пути к жизни вечней душ и сердец от скверн очищение и яко елень на источники водныя к Царству Небесному неустанное стремление.

Тропарь преподобного Леонтия отрока, канонарха Печерского, в Дальних пещерах
глас 3

Всечестный канонарше Леонтие,/ правилоначальный бывый в церкви/ и в правиле иночестем возсиявший светло,/ моли Христа Бога,/ да прегрешений оставление/ подаст душам нашим.

– преставление свт. Иоанна (Максимовича), архиепископа Шанхайского и Сан-Францисского
– Св. ап. Иуды Фаддея
новый стиль
2.07
старый стиль
19.06
Тропарь дня
Тропарь святителя Иоанна (Максимовича), архиепископа Шанхайского
глас 5

Попечение твое о пастве в странствии ея,/ се прообраз и молитв твоих, за мир весь присно возносимых:/ тако веруем, познав любовь твою, святителю и чудотворче Иоанне!/ Весь от Бога освящен священнодействием пречистых Таин,/ имиже сам присно укрепляем,/ поспешал еси ко страждущим, целителю отраднейший./ Поспеши и ныне в помощь нам, всем сердцем чтущим тя.

Тропарь апостола Иуды
глас 1

Христова тя сродника, о Иудо, ведуще и мученика тверда,/ священно восхваляем, прелесть поправша и веру соблюдша./ Темже днесь всесвятую твою память празднующе,// грехов разрешение молитвами твоими приемлем.

Перенесение мощей и риз свв. апп. Луки, Андрея и Фомы
новый стиль
3.07
старый стиль
20.06
Тропарь дня
Прп. Максим Грек (обретение мощей)
новый стиль
4.07
старый стиль
21.06
Тропарь дня
Тропарь преподобного Максима Грека
глас 8

Зарею Духа облистаем,/ витийствующих богомудренно сподобился еси разумения,/ неведением омраченная сердца человеков светом благочестия просвещая,/ пресветел явился еси Православия светильник, Максиме преподобне,/ отонудуже ревности ради Всевидящаго/ отечества чужд и странен, Российския страны был еси пресельник,/ страдания темниц и заточения от самодержавнаго претерпев,/ десницею Вышняго венчаешися и чудодействуеши преславная./ И о нас ходатай буди непреложен,// чтущих любовию святую памятъ твою.

Владимирской иконы Божией Матери
новый стиль
6.07
старый стиль
23.06
Тропарь дня
Тропарь Божией Матери пред иконой Ее Владимирской
глас 4

Днесь светло красуется славнейший град Москва,/ яко зарю солнечную, восприемши, Владычице,/ чудотворную Твою икону,/ к нейже ныне мы притекающе и молящеся Тебе, взываем сице:/ о пречудная Владычице Богородице!/ Молися из Тебе воплощенному Христу Богу нашему,/ да избавит град сей и вся грады и страны христианския/ невредимы от всех навет вражиих// и спасет души наша, яко Милосерд.

Рождество честного и славного Пророка, Предтечи и Крестителя Господня Иоанна
новый стиль
7.07
старый стиль
24.06
Тропарь дня
Тропарь Рождеству Иоанна Предтечи,
глас 4


Пророче и Предтече пришествия Христова,/ достойно восхвалити тя недоумеем мы, любовию чтущии тя:/ неплодство бо рождшия и отчее безгласие разрешися/ славным и честным твоим рождеством,// и воплощение Сына Божия мирови проповедуется.

Св. благ. кн. Петра и Февронии
новый стиль
8.07
старый стиль
25.06
Тропарь дня
Тропарь благоверных князей
глас 8

Яко благочестиваго корене пречестная отрасль был еси,/ добре во благочестии пожив, блаженне Петре,/ тако и с супружницею твоею, премудрою Феврониею,/ в мире Богу угодивше, и преподобных житию сподобистеся./ С нимиже молитеся Господеви/ сохранити без вреда отечество ваше,// да вас непрестанно почитаем.

иконы Божией Матери «Тихвинская»
новый стиль
9.07
старый стиль
26.06
Тропарь дня
Тропарь Божией Матери пред иконой Ее Тихвинской
глас 4

Днесь, яко солнце пресветлое,/ возсия нам на воздусе всечестная икона Твоя, Владычице,/ лучами милости мир просвещающи,/ юже великая Россия,/ яко некий дар Божественный свыше благоговейне восприемши,/ прославляет Тя, Богомати, всех Владычицу,/ и от Тебе рождшагося Христа Бога нашего величает радостно./ Емуже молися, о Госпоже Царице Богородице,/ да сохранит вся грады и страны христианския/ невредимы от всех навет вражиих/ и спасет верою покланяющихся Его Божественному/ и Твоему пречистому образу,// Дево Неискусобрачная.

- Прп. Самсона Странноприимца
- Прп. Амвросия Оптинского
новый стиль
10.07
старый стиль
27.06
Тропарь дня
Тропарь преподобного Сампсона
глас 8

В терпении твоем стяжал еси мзду твою, отче преподобне,/ в молитвах непрестанно терпевый,/ нищия возлюбивый и сия удовливый,/ но молися Христу Богу, Сампсоне милостиве блаженне,// спастися душам нашим.

Тропарь преподобного Амвросия Оптинского
глас 5

Яко к целебному источнику,/ притекаем к тебе, Амвросие, отче наш,/ ты бо на путь спасения нас верно наставляеши,/ молитвами от бед и напастей охраняеши,/ в телесных и душевных скорбех утешаеши,/ паче же смирению, терпению и любви научаеши;/ моли человеколюбца Христа/ и Заступницу усердную// спастися душам нашим.

Иконы Божией Матери «Троеручица»
новый стиль
11.07
старый стиль
28.06
Тропарь дня
Тропарь Божией Матери пред иконой Ее 'Троеручица'
глас 4

Днесь всемирная радость возсия нам велия:/ даровася святей Горе Афонстей/ цельбоносная Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созываеши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающии к Тебе, верою приемлют неоскудно от всех зол свобождение,/ от врагов защищение,/ сего ради и мы вкупе со Афоном вопием:// радуйся, Благодатная, Господь с Тобою.

Славных и всехвальных первоверховных апостолов Петра и Павла
новый стиль
12.07
старый стиль
29.06
Тропарь дня
Глас 4

Апостолов первопрестольницы,/ и вселенныя учителие,/ Владыку всех молите/ мир вселенней даровати// и душам нашим велию милость

Собор святых славных и всехвальных 12 Апостолов Христовых
новый стиль
13.07
старый стиль
30.06
Тропарь дня
Собор славных и всехвальных 12-ти апостолов. Тропарь
глас 4

Апостолов первопрестольницы/ и вселенныя учителие,/ Владыку всех молите/ мир вселенней даровати/ и душам нашим велию милость.

– преставление странницы Дарьюшки, в иночестве Исидоры
– Бесср мчч. Косьмы и Дамиана Римских
новый стиль
14.07
старый стиль
1.07
Тропарь дня
Тропарь бессребреников
глас 8

Святии безсребреницы и чудотворцы Космо и Дамиане,/ посетите немощи наша:// туне приясте, туне дадите нам.

иконы Божией Матери «Ахтырская»
(явленная икона ХVIII в.)
новый стиль
15.07
старый стиль
2.07
Тропарь дня
Тропарь Божией Матери пред иконой Ее Ахтырской
глас 4

Преблагословенная Дево, Богородительнице Чистая,/ у Креста Сына Твоего и Бога нашего предстоящи,/ скорбь велию претерпела еси/ и благодать от Него прияла еси сущия в скорбех утешати./ Темже на пречистый образ Твой благоговейно взирающе/ и изображенную Тя на нем пред Крестом Спаса нашего видяще,/ умиленно к Тебе вопием:/ Заступнице усердная, благая и милостивая!/ Ускори избавити ны от всякия скорби, нужды и болезни/ и спаси души наша,/ да Тя со благодарением славим во веки.

– Прп. Анатолия Печерского
-Прп. Анатолия затворника
новый стиль
16.07
старый стиль
3.07
Тропарь дня
Тропарь преподобных Анатолия, в Ближних пещерах (XII), и другого Анатолия затворника, в Дальних пещерах (XIII), Печерских
глас 3

Преблаженнии и Богоноснии отцы наши, Анатолие и Анатолие Затворниче,/ яко стяжавшии дерзновение ко Господу/ равноангельным своим житием,/ егоже ради обогати Христос нетлением и чудесы мощи ваша,/ молим вас прилежно:/ испросите душам нашим очищение/ и велию и богатую милость.

память прп. Андрея Критского
новый стиль
17.07
старый стиль
4.07
Тропарь дня
Тропарь преподобномученику Андрею Критскому,
глас 4


Постнически преподвизався на горе,/ умная врагов ополчения всеоружием Креста погубил еси, всеблаженне./ Паки же ко страдальчеству/ мужески облеклся еси,/ убив Копронима мечем веры;/ и обоих ради венчался еси от Бога,// преподобномучениче Андрее, приснопамятне.

– обретение мощей прп. Сергия Радонежского
– память прмц. вел. кнг. Елисаветы и инокини Варвары
новый стиль
18.07
старый стиль
5.07
Тропарь дня
Тропарь преподобного Сергия
глас 8

От юности восприял еси Христа в души твоей, преподобне,/ и паче всего вожделел еси мирскаго мятежа уклонитися:/ мужески в пустыню вселился еси/ и чада послушания в ней, плоды смирения, возрастил еси./ Тем, быв Троице вселение,/ чудесы твоими всех просветил еси, приходящих к тебе верою,/ и исцеления всем подая обильно.// Отче наш Сергие, моли Христа Бога, да спасет души наша.

Тропарь преподобномученицы великой княгини Елисаветы Феодоровны
глас 1

Смирением достоинство княжеское сокрывши, богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси. Мы же, чтуще добродетельное житие и страдания твоя, яко истинную наставницу усердно просим тя: святая мученице великая княгине Елисавето, моли Христа Бога спасти и просветити души наша.

Прп. Сисоя, схимника Печерского
новый стиль
19.07
старый стиль
6.07
Тропарь дня
Тропарь преподобного Сисоя, схимника Печерского, в Дальних пещерах
глас 1

Пустынный житель, и в телеси Ангел,/ и чудотворец явился еси, Богоносе отче наш Сисое,/ постом, бдением, молитвою Небесная дарования приим,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,/ слава Действующему тобою всем исцеления.

новый стиль
21.07
старый стиль
8.07
Тропарь дня
Тропарь Божией Матери пред иконой Ее Казанской
глас 4

Заступнице усердная,/ Мати Господа Вышняго,/ за всех молиши Сына Твоего, Христа Бога нашего,/ и всем твориши спастися,/ в державный Твой покров прибегающим./ Всех нас заступи, о Госпоже, Царице и Владычице,/ иже в напастех, и скорбех, и в болезнех обремененных грехи многими,/ предстоящих и молящихся Тебе умиленною душею/ и сокрушенным сердцем/ пред пречистым Твоим образом со слезами/ и невозвратно надежду имущих на Тя,/ избавления всех зол,/ всем полезная даруй/ и вся спаси, Богородице Дево:// Ты бо еси Божественный покров рабом Твоим.

Прп. Гавриил Афонский
новый стиль
22.07
старый стиль
9.07
- Прп. Антония Печерского, Прп. Силуана, схимника Печерского
- Коневской иконы Божией Матери (чтимый список)
новый стиль
23.07
старый стиль
10.07
Тропарь дня
Тропарь Антонию Печерскому, Киевскому, начальнику всех русских монахов

От мирскаго мятежа исшед, /отвержением же мира евангельски Христу последовал еси /и равноангельное житие пожив, /в тихое пристанище Святые Горы Афона достигл еси. /Отонудуже благословением отцев в гору Киева пришед, /и тамо трудолюбно жизнь совер­шив, /Отечество свое просветил еси, /и множеству монашествующих стезю ве­дущую к Небесному Царствию показав, /Христу сия привел еси. /Егоже моли, Антоние преподобне, /да спасет души наша.

Тропарь преподобного Силуана, схимника Печерского, в Дальних пещерах
глас 3

Многаго ти ради воздержания и безмернаго пощения/ приемый свыше благодать чудотворения/ и к Богу велие дерзновение стяжавый,/ постником удобрение, Силуане,/ Тому молися,/ да подаст нам мир и велию милость.

Тропарь Божией Матери пред иконой Ее Коневской
глас 1

Возсия нам, яко солнце светозарное от востока в велелепии,/ Твоя, Владычице, икона,/ озаряющи чудес сиянием преславно/ всех, выну приходящих к ней с верою и любовию/ и молящихся усердно Твоему, еже о Сыне Твоем и Бозе, величию./ Слава Богу, Арсением сию давшему нам,/ слава возвратившему от Новаграда,/ слава Действующему тою всем исцеления.

– обретение мощей сщмч. Илариона, архиепископа Верейского
– память св. равноап. вел. княгини Ольги
новый стиль
24.07
старый стиль
11.07
Тропарь дня
Тропарь священномученику Илариону Троицкому,
глас 4


Воине Христов Иларионе, славо и похвало Церкве Русския, пред гибнущим миром Христа исповедал еси, кровьми твоими Церковь утвердися, разум Божественный стяжал еси, людем верным возглашаше: без Церкви несть спасения.

Тропарь равноапостольной Ольги
глас 1

Крилами богоразумия вперивши твой ум,/ возлетела еси превыше видимыя твари,/ взыскавши Бога и Творца всяческих,/ и, Того обретши, паки рождение Крещением прияла еси,/ древа животнаго наслаждающися, нетленна во веки пребываеши,// Ольго приснославная.

иконы Божией Матери «Троеручица» (написана на Святой Горе Афон)
новый стиль
25.07
старый стиль
12.07
Тропарь дня
Тропарь Божией Матери пред иконой Ее 'Троеручица'
глас 4

Днесь всемирная радость возсия нам велия:/ даровася святей Горе Афонстей/ цельбоносная Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созываеши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающии к Тебе, верою приемлют неоскудно от всех зол свобождение,/ от врагов защищение,/ сего ради и мы вкупе со Афоном вопием:// радуйся, Благодатная, Господь с Тобою.

– память св. равноап. вел. кн. Владимира
– память св. мученика младенца Кирика и Иулитты
новый стиль
28.07
старый стиль
15.07
Тропарь дня
Тропарь равноапостольного великого князя Владимира
глас 4

Уподобился еси купцу, ищущему добраго бисера,/ славнодержавный Владимире,/ на высоте стола седя матере градов,/ богоспасаемаго Киева:/ испытуя же и посылая к Царскому граду/ уведети православную веру,/ обрел еси безценный бисер - Христа,/ избравшаго тя, яко втораго Павла,/ и оттрясшаго слепоту во святей купели,/ душевную вкупе и телесную./ Темже празднуем твое успение,/ людие твои суще,// моли спастися державы твоея Российския начальником и множеству владомых.

Тропарь мучеников Кирика и Иулитты
глас 8

Яко лоза благоплодная, Иулитто честная,/ грозд зрел принесла еси Цареви, всех Богу,/ сына твоего Кирика славнаго,/ мучением того богатно украсивши/ и твоею кровию навершивши,/ тем и дарова тебе Вышний возмездие в Вышних,/ идеже ликующе, помяните нас, мученицы терпеливодушнии.

память св. мученицы Иулии Карфагенской
новый стиль
29.07
старый стиль
16.07
память св. вмц. Марины (Маргариты) Антиохийской
новый стиль
30.07
старый стиль
17.07
Тропарь дня
Тропарь великомученице Марине Антиохийской,
глас 4


Агница Твоя, Иисусе, Марина/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе./ Тоя молитвами,// яко Милостив, спаси души наша.

Прп. Памвы, затворника Печерского
новый стиль
31.07
старый стиль
18.07
Тропарь дня
Тропарь преподобного Памвы, затворника Печерского, в Дальних пещерах
глас 1

Неленостным послушанием/ и отвержением воли своей/ крепко себе обуздав,/ вдался еси за Христа Бога на муки и раны,/ от Негоже сугубо, всечестне отче Памво, венчався,/ молися о душах наших.