Календарь февраль

Тропарь преподобному Макарию, постнику Печерскому
Глас 4

Бывший нестяжателем Христа ради/ и Того за многия твоя добродетели/ в сердце твое вселивый,/ блаженне Макарие,// молися о нас, поющих тя.

- прп. Евфимия Великого
- Прп. Евфимия молчальника и Лаврентия затворника

20.01/2.02

Тропарь дня

Тропарь преподобному Евфимию Великому
Глас 4

Веселися пустыня нераждающая,/ благодушствуй неболящая,/ яко умножи тебе чада муж желаний духовных,/ благочестием насадив,/ воздержанием воспитав добродетелей в совершенство./ Того молитвами Христе Боже,// умири живот наш.

Тропарь преподобного Евфимия, схимника Печерского
глас 4

Евфимие всечестне, преподобным единоревнителю и Ангелом собеседниче, получивый с ними житием своим чистым и безмолвным вечная благая, молися Господеви присно о всех нас, да и мы тех же благ сподобимся.

Тропарь преподобного Лаврентия, затворника Печерского, в Дальних пещерах

Затворивый себе Господа ради в темней пещере, / преподобне отче Лаврентие, многолетне / и Оному добре в ней угодивый, / подаждь и нам от всякаго зла чувствия затворити, / и тьмы страстей отвратитися, / и светлость получити Царствия Небеснаго.

- престольный праздник Афонского храма во имя иконы Божией Матери «Отрада и Утешение»
- преставление прп. Максима Грека

21.01/3.02

Тропарь дня

Тропарь Пресвятой Богородице пред иконой Ея Ватопедской, именуемой «Отрада» или «Утешение»
Глас 4

Яко покров благодатный и спасительный/ стяжахом честную Твою икону, Богородице,/ на сию убо со умилением взирающе, Тебе вопием:/ Владычице, ниспосли нам отраду и утешение,/ на Тя бо упование возлагаем, грешнии и смиреннии./ На Твое предстательство надеемся, недостойнии./ Ускори нас избавити от бед и скорбей/ и умоли Сына Твоего, Христа Бога нашего,// помиловати и спасти души наша.

Тропарь преподобному Максиму Греку
Глас 8

Зарею Духа облистаемь,/ витийствующих богомудренно сподобился еси разумения,/ неведением омраченная сердца человеков светом благочестия просвещая,/ пресветел явился еси православия светильник, Максиме преподобне,/ отонудуже ревности ради Всевидящаго,/ отечества чужд и странен, Российския страны был еси пресельник,/ страдания темниц и заточения от самодержавнаго претерпев,/ десницею Вышняго венчаешися и чудодействуеши преславная./ И о нас ходатай буди непреложен,// чтущих любовию святую память твою.

Прмч. Анастасия, диак. Печерского

Икона с частицами мощей Киево-Печерских святых

22.01/4.02

Тропарь дня

Тропарь преподобномученику Анастасию, диакону Печерскому, в Ближних пещерах
Глас 4

Плотское, яко безплотный Ангел, возненавидевши препитание,/ духовную во иноческом чину возлюбил еси пищу,/и в нем Боговидцу на Синаи Моисею/ добрым жития твоего подвигом уподобляяйся,/ многими на горе Божией Печерской возвысился еси добродетельми,/ идеже в молении к Вышннему непрестанно пребывал еси,/ ныне же со отцы преподобными Печерскими,/ аки бисер многоценен, мощми нетленными/ в пещере твоими пресветло сияеши,/ а душею со Ангелы пред Престолом Божиим,/ святый преподобномучениче Анастасие, предстоиши,/ о нас всегда моляся ко Господу// спастися душам нашим.

Блж. Ксении Петербургской

24.01/6.02

Тропарь дня

Тропарь блаженной Ксении Петербургской
глас 7

Нищету Христову возлюбивши,/ безсмертныя трапезы ныне наслаждаешися,/ безумием мнимым безумие мира обличивши,/ смирением крестным силу Божию восприяла еси,/ сего ради дар чудодейственныя помощи стяжавшая,/ Ксение блаженная, моли Христа Бога// избавитися нам от всякаго зла покаянием.

- Свт. Григория Богослова
- преставление сщмч. Петра (Зверева), архиепископа Воронежского
- Сщмч. Владимира (Богоявленского), митрополита Киевского

25.01/7.02

Тропарь дня

Тропарь новомучеников
глас 4

Днесь радостно ликует Церковь Русская,/ прославляющи новомученики и исповедники своя:/ святители и иереи,/ царственныя страстотерпцы,/ благоверныя князи и княгини,/ преподобныя мужи и жены/ и вся православныя христианы,/ во дни гонения безбожнаго/ жизнь свою за веру во Христа положившия/ и кровьми истину соблюдшия./ Тех предстательством, долготерпеливе Господи,/ страну нашу в Православии сохрани// до скончания века.

Тропарь святителя Григория Богослова,
глас 1

Пастырская свирель Богословия твоего/ риторов победи трубы,/ якоже бо глубины духа изыскавшу,/ и доброты вещания приложишася тебе./ Но моли Христа Бога, отче Григорие,// спастися душам нашим.

Тропарь священномученику Петру (Звереву), архиепископу Воронежскому,
глас 4

Верою пламенною апостолу Петру подобяся,/ таже и трикратным слышанием воззвания Христова,/ душу твою за Того положил еси, святителю отче Петре,/ каменю твердый Церкве Православныя:/ светильниче во мраце беззаконий добродетельми сияяй,/ радостию страдания за Христа претерпети изволил еси,/ со исповедники и страстотерпцы Российскими./ Молися с ними о нас, архиерею Божий,// священномучениче Соловецкий.

Тропарь священномученику Владимиру (Богоявленскому), митрополиту Киевскому
глас 2

Ве́ры Правосла́вныя непоро́чный блюсти́телю/ и за́поведей Христо́вых усе́рдный исполни́телю,/ священному́чениче Влади́мире,/ Христа́ всем се́рдцем возлюби́в,/ па́ству твою́ до́бре упа́сл еси́,/ незло́биво му́ченическую смерть прия́л еси́./ Сего́ ра́ди в ве́чной сла́ве пребыва́я,// моли́ спасти́ся душа́м на́шим.

Перенесение мощей свт. Иоанна Златоуста

27.01/9.02

Тропарь дня

Тропарь святителя Иоанна Златоуста,
глас 8

Уст твоих, якоже светлость огня возсиявши, благодать/ вселенную просвети:/ не сребролюбия мирови сокровища сниска,/ высоту нам смиренномудрия показа./ Но твоими словесы наказуя, отче Иоанне Златоусте,// моли Слова, Христа Бога, спастися душам нашим.

Прп. Ефрема Печерского, еп. Переяславского
Прп. Схоластики Нурсийской

28.01/10.02

Тропарь дня

Глас 8

Духом горя путешествия к святым местом, / странствовал еси в Греческую землю, / святителю Ефреме, / отнюдуже со многою пользою возвращаяся, / устав святаго Студийскаго монастыря списав, / аки некий многочестен дар, семо принесл еси, / имже и днесь Церковь Российская управляема / славит тебе, истиннаго о ней промысленника.

Свт. Лаврентия, затворника Печерского, еп. Туровского

Икона с частицами мощей Киево-Печерских святых

29.01/11.02

Тропарь дня

Тропарь преподобному Елисею Лавришевскому и святителю Лаврентию, затворнику Печерскому, епископу Туровскому ,
глас 3

Преподобне отче наш Елиссее,/ с Лаврентием чудным подвизался еси, учителю своему подражая,/ земную славу и честь стопам Христа повергли есте,/ темже Господь увенча вас// нетленным венцем славы Своея.

- Собор вселенских учителей и святителей Василия Великого, Григория Богослова и Иоанна Златоустого – престольный праздник храма во имя Трех святителей
- Блж. Пелагии Дивеевской
– Прп. Зинона, постника Печерского

30.01/12.02

Тропарь дня

Тропарь святителей,
глас 4

Яко апостолов единонравнии/ и вселенныя учителие,/ Владыку всех молите/ мир вселенней даровати// и душам нашим велию милость.

Тропарь Дивеевским блаженным Пелагии, Параскеве и Марии,
глас 1

Глас апостола Павла услышавша глаголющ: мы юроди Христа ради, рабы Твои, Христе Боже, Пелагия, Параскева и Мария, юроди быша на земли Тебе ради; темже, память их почитающе, Тебе молим: Господи, спаси души наша.

Тропарь преподобному Зинону, постнику Печерскому, в Дальних пещерах,
глас 4

Преподобне отче Зиноне,/ преподобне и честне житие твое на земли препроводивый/ и тем Богови по премногу благоугодивый,/ моли о нас,// чтущих память твою.

Свт. Никиты, затворника Печерского, еп. Новгородского

Икона с частицами мощей Киево-Печерских святых

31.01/13.02

Тропарь дня

Тропарь святителю Никите, епископу Новгородскому,
глас 4

Наслади́вся, Богому́дpе, воздеpжа́ния/ и жела́ние пло́ти твоея́ обузда́в,/ на пpесто́ле святи́тельства сел еси́,/ и я́ко звезда́ многосве́тлая, пpосвеща́я ве́pных сеpдца́/ заpя́ми чуде́с твои́х,/ о́тче наш, святи́телю Ники́то,/ и ны́не моли́ Хpиста́ Бо́га,// да спасе́т ду́ши на́ша.

Сретение Господне

2.02/15.02

Тропарь дня

Тропарь Сретения Господня
глас 1

Радуйся, Благодатная Богородице Дево, из Тебе бо возсия Солнце Правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение.

- преставление свт. Феодосия Черниговского
– память насельниц обители сия, арестованных в 1932 году

5.02/18.02

Тропарь дня

Тропарь святителя Феодосия, архиепископа Черниговского
глас 4

Преудобрен во архиереех, святителю Феодосие,/ был еси светило своему стаду,/ таже преставился еси в вечныя Обители./ Умоли у Престола Царя Славы избавитися нам от находящих на ны зол/ и спастися душам нашим, святе, молитвами твоими.

- свт. Тихона, патриарха Московского и всея Руси (обретение мощей)
- прп. Панкратия Печерского

9.02/22.02

Тропарь дня

Тропарь святителя Тихона, патриарха Московского и всея Руси
глас 3

В годину тяжкую Богом избранный / в совершенной святости и любви Бога прославил еси, / во смирении величие, в простоте и кротости силу Божию являя, / положил душу за Церковь, за люди своя, / исповедниче патриарше святе Тихоне, / моли Христа Бога, / Емуже сораспялся еси, / и ныне спасти землю Русскую и паству Твою.

Тропарь преподобного Панкратия Печерского,
глас 2

Панкра́тие Богому́дре,/ свяще́нниче Госпо́день изря́дне,/ и чуде́с мно́гих самоде́телю,/ моли́ся Го́сподеви,// во е́же спасти́ ду́ши на́ша.

Прп. Прохора Печерского

Икона с частицами мощей Киево-Печерских святых

10.02/23.02

Тропарь дня

Глас 4

Преподо́бне и чудотво́рче, о́тче Про́хоре,/ препита́вый во гла́де а́лчущия хле́бом от бы́лия и со́лию от пе́пела,/ напита́й и нас пи́щею духо́вною,/ моля́ Христа́ Бо́га// о душа́х на́ших.

память сщмч. Власия Севастийского

11.02/24.02

Тропарь дня

Глас 4

И нравом причастник,/ и престолом наместник апостолом быв,/ деяние обрел еси, Богодухновенне,/ в видения восход,/ сего ради, слово истины исправляя,/ и веры ради пострадал еси даже до крове,/ священномучениче Власие./ Моли Христа Бога// спастися душам нашим.

- иконы Божией Матери «Иверская»
- свт. Алексия, митрополита Московского и всея Руси, чудотворца

12.02/25.02

Тропарь дня

Тропарь Божией Матери пред иконой ее Иверской
глас 1

От святыя иконы Твоея,/ о Владычице Богородице,/ исцеления и цельбы подаются обильно/ с верою и любовию приходящим к ней./ Тако и мою немощь посети,/ и душу мою помилуй, Благая,// и тело исцели благодатию Твоею, Пречистая.

Тропарь свт. Алексия, митрополита Московского и всея Руси, чудотворца
Глас 8

Яко апостолом сопрестольна,/ и врача предобра, и служителя благоприятна,/ к раце твоей честней притекающе, святителю Алексие, богомудре чудотворче,/ сошедшеся, любовию в память твою светло празднуем,/ в песнех и пениих радующеся и Христа славяще,/ таковую благодать тебе даровавшаго исцелений// и граду твоему великое утверждение.

Прп. Исаакия, затворника Печерского

Икона с частицами мощей Киево-Печерских святых

14.02/27.02

Тропарь дня

Глас 2

Светлости святых насладитися вожделев,/ в темную вселился еси пещеру, прехвальне,/ и добре подвизался еси, Исаакие,/ прельщен же быв от врага,/ паки крепко попрал еси того вся коварства./ И ныне, яко победитель,/ в веселии предстоя Христу Богу,/ проси нам мира и велия милости.

Январь

Март