Монастырский календарь престольных праздников и памятных дней
Август
престольный праздник придела прп. Серафима Саровского
– Прп. Паисия Печерского
19.07/1.08
Тропарь дня
Тропарь преподобного Серафима Саровского
глас 4

От юности Христа возлюбил еси, преподобне,/ и Тому Единому поработати пламенне вожделел еси,/ в пустыннем житии твоем непрестанною молитвою и трудом подвизался еси,/ умиленным сердцем любовь Христову стяжав,/ Небесным Серафимом в песнословии споборниче,/ в любви притекающим к тебе Христу подражателю,/ темже избранник возлюблен Божия Матере явился еси,/ сего ради вопием ти:/ спасай нас молитвами твоими, радосте наша,/ теплый пред Богом заступниче,/ Серафиме блаженне.

Тропарь преподобного Паисия Печерского, в Дальних пещерах
глас 4

Великаго во отцех подражая Паисия,/ якоже он в пустыню, тако и ты в пещеру вселился еси,/ идеже труды прилагая, блаженне, ко трудом,/ и псаломскому пению выну прилежал еси,/ моли о нас, поющих тя.

Прп. Онуфрия молчаливого
Икона с частицами мощей Киево-Печерских святых
21.07/3.08
Тропарь дня
Тропарь преподобных Онуфрия молчаливого и Онисима затворника, Печерских, в Ближних пещерах
глас 3

Преблаженнии и Богоноснии отцы наши Онуфрие и Онисиме,/ яко стяжавшии дерзновение ко Господу/ равноангельным своим житием,/ егоже ради обогати Христос нетлением и чудесы мощи ваша,/ молим вас прилежно:/ испросите душам нашим очищение/ и велию и богатую милость.

- Почаевской иконы Божией Матери
- Прав. Воина Федора Ушакова (прославление)
23.07/5.08
Тропарь дня
Тропарь Божией Матери пред иконой Ее Почаевской
глас 5

Пред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают./ Темже и нам, к Тебе припадающим,/ грехов оставление испроси,/ помыслы благочестия сердца наша просвети/ и к Сыну Твоему молитву вознеси// о спасении душ наших.

Тропарь праведному воину Феодору Ушакову,
глас 1

Державе Российстей архистратиг непобедимый явился еси,/ агарянскую злобу нивочтоже вменив и разорив:/ ни славы мирския, ниже богатства взыскуя,/ но Богу и ближнему послужил еси,/ моли, святе Феодоре,/ воинству нашему даровати на враги одоление,/ отечеству во благочестии непоколебиму пребыти,// и сыновом Российским спастися.
Прп. Поликарпа, архимандрита Печерского
Икона с частицами мощей Киево-Печерских святых
24.07/6.08
Тропарь дня
Тропарь преподобного Поликарпа, архимандрита Печерского
глас 4

Тезоименит званию твоему,/ яко многоплодное древо,/ насажден сый во обители Божия Матере,/ многая и чудная тщанием твоим исправления показавый,/ мудре Поликарпе,/ моли Христа Бога о нас,/ яко да и мы, многия плоды добродетелей Ему принесше, спасемся.

Успение праведной Анны, матери Пресвятой Богородицы
25.07/7.08
Тропарь дня
Тропарь успению праведной Анны, матери Пресвятой Богородицы, глас 4

Жизнь pождшую во чpеве носила еси, Чистую Богоматеpь,/ Богомудpая Анно./ Темже к пpиятию Небесному, идеже веселящихся жилище,/ в славе pадующися, ныне пpеставилася еси,/ чтущим тя любовию/ пpегpешений пpосящи очищение,// пpисноблаженная.

Прп. Моисея Угрина, Печерского
Икона с частицами мощей Киево-Печерских святых
26.07/8.08
Тропарь дня
Тропарь преподобного Моисея Угрина
глас 3

Другаго тя Иосифа,/ великий чистоты и целомудрия рачителю,/ всечестне и равноангельне Моисее,/ священными песньми восхваляюще, грешнии,/ молимтися прилежно:/ моли Христа Бога,/ яко да исцелит вся наша страсти// и подаст велию милость.

– память св. вмч. Пантелеимона
– Св. прп. Германа Аляскинского
27.07/9.08
Тропарь дня
Тропарь Пантелеимону Целителю

Страстотерпче святый и целебниче Пантелеимоне, /моли милостиваго Бога, /да прегрешений оставление /подаст душам нашим.

Тропарь преподобного Германа Аляскинского
глас 1

Лозу Православия принесл еси в Америку из России благочестивый/ и, удобрив корень постническими трудами/ и напоив обильне молитвенными слезами,/ плоды принесл еси — виноград возлюбленный,/ Германе преблаженне отче наш./ Темже и Бог тя прослави, яко апостола преподобнаго,/ нетлением мощей и благодатию чудес,/ от них же почерпающе благодеяния, восхваляем тя:/ слава Давшему ти крепость,/ слава Венчавшему тя, слава Даровавшему тя Америце светило Православия.

Иконы Божией Матери «Умиление» Серафимо-Дивеевской
28.07/10.08
Тропарь дня
Тропарь Пресвятой Богородице пред иконой Ея «Умиление» Серафимо-Дивеевской,
Глас 4


К Богоpодице с умилением пpипадем,/ вси, гpехми обpемененнии,/ чудотвоpную Ея икону Умиления облобызающе/ и вопиюще со слезами:/ Владычице, пpиими моление недостойных pаб Твоих/ и подаждь нам, пpосящим,// велию Твою милость.

- Рождество святителя Николая, архиепископа Мирикийского чудотворца
- преставление игумении Валентины (Ивановской), настоятельницы обители
29.07/11.08
Тропарь дня
Тропарь святителю Николаю, архиепископу Мирликийскому, чудотворцу,
глас 4


Правило веры и образ кротости,/ воздержания учителя/ яви тя стаду твоему/ яже вещей истина;/ сего ради стяжал еси смирением высокая,/ нищетою богатая./ Отче священноначальниче Николае,/ моли Христа Бога// спастися душам нашим.

Сщмч. Вениамина, митр. Петроградского, и с ним пострадавших
31.07/13.08
Тропарь дня
Тропарь Вениамину, митр. Петроградскому и Гдовскому

Светильник всесветлый во граде святаго Петра явился еси, /пастырю добрый, священномучениче отче Вениамине. /Любовь и милосердие в сердцах верных насаждая, /благотворити призывал еси терпящим глад и нищету. /Сего ради и мы к тебе прибегаем /и с верою вопием ти: /моли Милостиваго Бога, /отечество наше в Православии и благочестии утвердити, /мир Церкви даровати /и ду­шам нашим велию милость.

– престольный праздник храма Происхождения (Изнесения) Древ Животворящего Креста Господня на монастырском подворье
– преставление прп. Александра Санаксарского
1.08/14.08
Тропарь дня
Тропарь Креста Господня,
глас 1


Спаси, Господи, люди Твоя/ и благослови достояние Твое,/ победы на сопротивныя даруя// и Твое сохраняя Крестом Твоим жительство.

мцц. Евдокии Шейковой, Дарии Улыбиной, Дарии Тимагиной и Марии Неизвестной в селе Пуза
5.08/18.08
Тропарь дня
Тропарь мученицам Евдокии Шейковой, Дарии Улыбиной, Дарии Тимагиной и Марии Неизвестной,
глас 4

Царствия ради Небеснаго мир и вся яже в мире оставили есте, тесноту совершеннаго послушания возлюбивши, дивныя подвижницы и Христа ради мученицы в годину лютых испытаний в земли Новгородстей процветшия, блаженныя матери наша Евдокие, Дарие, Дарие и Марие, помяните нас у Престола Пресвятыя Троицы.

Преображение Господне
6.08/19.08
Тропарь дня
Тропарь Преображению Господню

Преобразился еси на горе, Христе Боже, /показавый учеником Твоим славу Твою, /якоже можаху: /да возсияет и нам грешным /свет Твой присносущный, /молитвами Богородицы, /Светодавче, слава Тебе.
- Прп. Пимена Многоболезненного, Печерского
-Прп. Пимена, постника Печерского
Икона с частицами мощей Киево-Печерских святых
7.08/20.08
Тропарь дня
Тропарь преподобного Пимена Многоболезненного, Печерского, в Ближних пещерах
глас 5

Богоноснаго Антония смиренномудрием подражая, / терпением Иову подобяся, / не исцеления от болезни, но паче протяжения тоя / желал еси себе, терпеливодушне Пимене, / да не како, здрав быв / и от места сего родительми исторжен, / сожития преподобных и чина их лишишися, / тем паче надежды от самих Ангел пострижен был еси, / с нимиже моли Христа Бога / спастися душам нашим.

Тропарь преподобного Пимена, постника Печерского, в Дальних пещерах
глас 8

Постом душу твою просветил еси, / молитвами непрестанными сердце твое сосуд Духа Святаго соделал еси, / преподобне отче наш Пимене; / темже вся вражия ополчения крепко посрамил еси / и, яко победоносец истинный, / воздаяние получил еси от Христа Бога. / Тому помолися о душах наших.

- память прпп. Зосимы, Савватия и Германа Соловецких
- Прп. Григория, иконописца Печерского
8.08/21.08
Тропарь дня
Тропарь преподобных Зосимы и Савватия Соловецких
глас 4

Постническое и равноангельское житие ваше, / преподобнии отцы Зосимо и Савватие, / вселенней познаны сотвори вас чудодеянии различными богоноснии, / просвещайте верою призывающия вы / и чтущия честную память вашу.

Св. ап. Матфия
9.08/22.08
Тропарь дня
Тропарь апостола Матфия
глас 3

Апостоле святый Матфие,/ моли Милостиваго Бога,/ да прегрешений оставление// подаст душам нашим.

- Прмчч. Феодора и Василия Печерских,
- Прп. Феодора, кн. Острожского, Печерского
Икона с частицами мощей Киево-Печерских святых
11.08/24.08
Тропарь дня
Тропарь преподобномученикам Феодору и Василию Печерским, в Ближних пещерах,
глас 1


Союзом любве связавшеся, преподобнии,/ всяк союз козней вражиих попрасте,/ страдание же и смерть неповинне/ от сребролюбиваго князя претерпесте добле,/ тем молим вас, вкупе поживших/ и венцы мучения приемших,/ молитеся Господеви о нас,/ яко да во мнозей любви, вере и надежди добре поживше,/ всегда ублажаем вас,// Феодоре и Василие добропобеднии.

Тропарь преподобного Феодора, князя Острожского, Печерского, в Дальних пещерах
глас 7

Преобразил еси земнаго княжения славу / во иночества образ смиренный, / и вместо врагов видимых / на невидимыя ополчился еси, / и, обою победитель красен являяся, / един от чудотворец Печерских показался еси; / темже и нам ревности Божия дар испроси, / братолюбием сердца наша просвети / и ко спасению вечному стези наша, Феодоре блаженне, направи.

– Успение Пресвятой Владычицы нашей Богородицы и Приснодевы Марии – престольный праздник придела Воскресенского собора
– Прп. Иосифа Исихаста
15.08/28.08
Тропарь дня
Тропарь Успению Пресвятой Богородицы

В рождестве девство сохранила еси, /во успении мира не оставила еси, Богородице: /преставилася еси к животу, Мати сущи Живота, /и молитвами Твоими избавляеши от смерти души наша.

Тропарь преподобному Иосифу Исихасту,
глас 5


Преподобне отче Иосифе, / Господу и Богородице свято послужив, / в Богом обетованную в Рай / новую землю под Небом новым возшел еси, / и нам, недостойным вселения в сих, // письмены твоими и молитвами спастися помози.

иконы Божией Матери «Всецарица»
18.08/31.08
Тропарь дня
Тропарь Пресвятой Богородице пред иконой Ея «Всецарица»,
глас 4


Образом радостотворным честныя Всецарицы,/ желанием теплым взыскающих благодати Твоея спаси, Владычице,/ избави от обстояний к Тебе прибегающих;/ от всякия напасти огради стадо Твое,// к заступлению Твоему взывающее присно.