Календарь май

Тропарь блаженной Матроны
глас 2

Богом умудренную блаженную старицу Матрону,/ земли Тульския процветение/ и града Москвы преславное украшение,/ восхвалим днесь, вернии./ Сия бо, света дневнаго не познавши,/ светом Христовым просветися/ и даром прозрения и исцеления обогатися./ Пресельница же и странница на земли бывши,/ ныне в чертозех Небесных Престолу Божию предстоит// и молится о душах наших.

Тропарь священноисповеднику Виктору (Островидову), епископу Глазовскому,
глас 4

Правды Божия поборниче и расколов обличителю, исповедниче Христов святителю Викторе, яко пресветлое светило добродетельми просиявый и изгнание претерпевый, упасл еси паству твою в православии и благочестии. Радуется днесь земля Вятская, в нюже восхотел еси возвратитися цельбоносными мощами твоими, празднующи любовию святую память твою. Моли о нас Бога, с верою к предстательству твоему прибегающих.

- прп. Феодора Санаксарского (обретение мощей)

21.04/4.05

Тропарь дня

Тропарь Божией Матери пред иконой Ее Иверской
глас 1

От святыя иконы Твоея,/ о Владычице Богородице,/ исцеления и цельбы подаются обильно/ с верою и любовию приходящим к ней./ Тако и мою немощь посети/ и душу мою помилуй, Благая,// и тело исцели благодатию Твоею, Пречистая.

Тропарь преподобному Феодору Санаксарскому,
глас 4

От юности твоея сынове Христа возлюбил еси, и токмо Господеви служити восхотев, благую часть избрал еси, яже не исхищается смертию. Единому на потребу себе преда́в и Жизни Подателю, от Него же сподобился еси даров божественнаго учительства и духовнаго разсуждения, окормляя всех прибегающих к тебе и ищущих души спасение, богомудре старче Санаксарский Феодоре.

- Иконы Божией Матери «Иверская» (второе обретение списка иконы в 2012 г.)
- память св. вмч. Георгия Победоносца

23.04/6.05

Тропарь дня

Тропарь Божией Матери пред иконой Ее Иверской
глас 1

От святыя иконы Твоея,/ о Владычице Богородице,/ исцеления и цельбы подаются обильно/ с верою и любовию приходящим к ней./ Тако и мою немощь посети/ и душу мою помилуй, Благая,// и тело исцели благодатию Твоею, Пречистая.

Тропарь великомученика Георгия
глас 4

Яко пленных свободитель/ и нищих защититель,/ немощствующих врач,/ православных поборниче,/ победоносче, великомучениче Георгие,/ моли Христа Бога// спастися душам нашим.

- Прп. Саввы Печерского
- Прп. Алексия, затворника Печерского

Икона с частицами мощей Киево-Печерских святых

24.04/7.05

Тропарь дня

Тропарь преподобным Савве и Алексию затворнику, Печерским,
глас 3

Преблаженнии и Богоноснии отцы наши Савво и Алексие,/ яко стяжавшии дерзновение ко Господу/ равноангельным своим житием,/ егоже ради обогати Христос/ нетлением и чудесы мощи ваша,/ молим вас прилежно:/ испросите душам нашим очищение// и велию и богатую милость.

память св. евангелиста Марка

25.04/8.05

Тропарь дня

Тропарь апостола Марка
глас 3

Апостоле святый и Евангелисте Марко,/ моли Милостиваго Бога,/ да прегрешений оставление// подаст душам нашим.

прославление сщмч. Илариона, архиепископа Верейского

27.04/10.05

Тропарь дня

Тропарь священномученику Илариону Троицкому,
глас 4

Воине Христов Иларионе, славо и похвало Церкве Русския, пред гибнущим миром Христа исповедал еси, кровьми твоими Церковь утвердися, разум Божественный стяжал еси, людем верным возглашаше: без Церкви несть спасения.

Прп. Амфилохия Почаевского

29.04/12.05

Тропарь дня

Тропарь преподобному Амфилохию Почаевскому,
глас 4

Земли Волынския преславна подвижника/ и обители Почаевския достойна насельника/ людей православных изрядна целителя/ яви тя Церкви Своей Христос Бог наш,/ преподобне отче Амфилохие,/ Ему же усердно молися/ от навет вражиих свободитися// и спастися душам нашим.

– преставление свт. Игнатия (Брянчанинова)
– Св. ап. Иакова Заведеева

30.04/13.05

Тропарь дня

Тропарь святителя Игнатия Брянчанинова, епископа Кавказского и Черноморского
глас 8

Православия поборниче, покаяния и молитвы делателю и учителю изрядный, архиереев богодухновенное украшение, монашествующих славо и похвало: писании твоими вся ны уцеломудрил еси. Цевнице духовная, Игнатие Богомудре, моли Слова Христа Бога, Егоже носил еси в сердце твоем, даровати нам прежде конца покаяние.

Тропарь апостолу Иакову Зеведееву, брату Иоанна Богослова,
глас 3

Апостоле святый Иакове,/ моли Милостиваго Бога,/ да прегрешений оставление// подаст душам нашим.

Прмчч. Афонских Евфимия, Игнатия и Акакия

01.05/14.05

Тропарь преподобномученикам Евфимию, Игнатию и Акакию, Афонским,
глас 1

Равночислении Троицы Несозданныя суще,/ с лики Ангелов и чины мучеников/ предстоите вы, радующеся, Престолу Божества, мудрии./ Сего ради причастием сияние отонуду приемлюще,/ источник исцелений верным подаете/ и Божественное просвещение,/ мучениче Христов Евфимие со Игнатием мудрым и с Божественным Акакием,// о нас присно молитеся.

Прп. Феодосия, игумена Киево-Печерского

Икона с частицами мощей Киево-Печерских святых

03.05/16.05

Тропарь дня

Глас 8

Возвы́сився на доброде́тель,/ измла́да возлюби́в мона́шеское житие́,/ к жела́нию до́блественне дости́г, всели́лся еси́ в пеще́ру,/ и, украси́в житие́ твое́ поще́нием и све́тлостию,/ в моли́твах, я́ко безпло́тен, пребыва́л еси́,/ в Росси́йстей земли́, я́ко све́тлое свети́ло, проси́яв, о́тче Феодо́сие,// моли́ Христа́ Бо́га спасти́ся душа́м на́шим.

- преставление прп. Давида Гареджийского
- Собор преподобных отец Русского на Афоне Свято-Пантелеимонова монастыря

7.05/20.05

Тропарь дня

Тропарь преподобному Давиду Гареджийскому,
глас 8

Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы, Давиде отче наш, моли Христа Бога спастися душам нашим.

- Св. ап. и ев. Иоанна Богослова
- Прпп. Арсения трудолюбивого и Пимена постника, Печерских

8.05/21.05

Тропарь дня

Тропарь апостола Иоанна Богослова
глас 2

Апостоле, Христу Богу возлюбленне,/ ускори избавити люди безответны,/ приемлет тя припадающа/ Иже падша на перси приемый./ Егоже моли, Богослове,/ и належащий облак языков разгнати,// прося нам мира и велия милости.

Тропарь преподобного Арсения
глас 8

Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Арсение отче наш,// моли Христа Бога спастися душам нашим.

престольный праздник придела свт. Николая Чудотворца

9.05/22.05

Тропарь дня

Тропарь святителя Николая
глас 4

Правило веры и образ кротости,/ воздержания учителя/ яви тя стаду твоему/ Яже вещей Истина./ Сего ради стяжал еси смирением высокая,/ нищетою богатая,/ отче священноначальниче Николае,/ моли Христа Бога,// спастися душам нашим.

– Св. ап. Симона Кананита
- Свт. Симона, чудотворца Печерского, еп. Владимирского и Суздальского

10.05/23.05

Тропарь дня

Тропарь апостола Симона Зилота
глас 3

Апостоле святый Симоне,/ моли милостиваго Бога,/ да прегрешений оставление// подаст душам нашим.

Прп. Софрония, затворника Печерского

Икона с частицами мощей Киево-Печерских святых

11.05/24.05

Тропарь дня

Глас 1

Простра́нна пути́, веду́ща в па́губу,/ блаже́нне Софро́ние, угонза́я,/ затвори́лся еси́ в те́мне ме́сте пеще́рнем,/ иде́же день и нощь в моли́твах и слеза́х/ и в ручно́м де́ле подвиза́яся,// обре́л еси́ ве́чный живо́т и наслажде́ние.

Прп. Никиты, затворника Печерского, еп. Новгородского

Икона с частицами мощей Киево-Печерских святых

14.05/27.05

Тропарь дня

Глас 4

Наслади́вся, Богому́дре, воздержа́ния/ и жела́ние пло́ти твоея́ обузда́в,/ на престо́ле святи́тельства сел еси́,/ и я́ко звезда́ многосве́тлая, просвеща́я ве́рных сердца́/ заря́ми чуде́с твои́х,/ о́тче наш, святи́телю Ники́то,/ и ны́не моли́ Христа́ Бо́га,// да спасе́т ду́ши на́ша.

– прп. Арсения Коневского (обретение мощей)
– Прп. Исаии Печерского

15.05/28.05

Тропарь дня

Тропарь преподобнаго Арсения Коневского
глас 1

Божественною любовию возгоревся,/ мирская пристрастия от души отвергше,/ тесным путем постничества во след Христа/ невозвратным умом шествовал еси, Арсение всеблаженне,/ от Негоже и мзду трудов твоих на Небесех восприим,/ поминай нас, чтущих святую память твою и вопиющих:/ слава Давшему ти крепость,/ слава Венчавшему тя,/ слава Действующему тобою всем исцеления.

– Муч. Модеста Римского, Пестуна
- преставление основательницы монастыря игумении Феофании (Готовцевой)

16.05/29.05

Апрель

Июнь